Yn iaknieh nam lahduh ka North Liberty bad ka Govt Boys’ haka final U-17 Boys’ haka Subroto Mukherjee ha Jowai

Syllad | The Rising MeghalayaJune 21, 2024

Ka North Liberty Higher Secondary School kan aireng pyrshah iaka Government Boys HSS ban iaknieh iaka nam lahduh haka kyrdan Under-17 haka Subroto Mukherjee Cup kaba pyniaid da ka ophis u DSO, West Jaintia Hills District.

Nalor ki shynrang, ki thei ialehkai U-17 ka North Liberty Higher Secondary School kan iakhun iaka final pyrshah iaka Kiang Nangbah Govt HSS bad na ki Under-15 ka Dominic English UPS kan iakhun pyrshah iaka St.Dominic HSS.

Ka jingiakhun final kan long haka 24 tarik Jylliew ha Kiang Nangbah Stadium naduh ka por 9 Am,10:30 bad 1 Pm. Kan sdang shuwa ka final ki thei U-17, pynbud ka U-15 bad U-17 Boys’.

Haba phai shaka jingiakhun semifinal kaba long haka 21 tarik Jylliew, ki thei ialehkai U-17 ka North Liberty HS School kila pynliem iaka Police Public Secondary School da 4-0.

Katba haka kyrdan Under-17 na ka liang ki shynrang ka North Liberty HS School kala pynliem iaka Sawlyngdoh HS School, Mowkaiaw da 3-0. Ka Govt. Boys HS School kala pynliem iaka Kiang Nangbah Govt. HS School da 2-1.

Haka kyrdan Under-15 na ka liang ki shynrang, ka HK. Singh kala shah pynliem haka Dominic English Secondary School da 1-0. Katba ka St. Dominic HS School kala pynliem iaka Modern Secondary School da 4-3 lyngba ka Tie breaker.