Yn iaknieh nam lahduh ka Sutnga bad ka Rymbai Shkenshynriah haka Super Div ka EJHDFA

Syllad | The Rising MeghalayaDecember 12, 2023

Ka Rymbai Shkenshynriah SC kala rung sha ka final hadien ba kala pynliem iaka Rymbai Iawpynsing da 2-1 haka jingialehkai Super Division Football Tournament kaba la pyniaid da ka East Jaintia Hills District Football Association (EJHDFA) kaba long haka 12 tarik Nohprah.

Haba phai sha kane ka jingiakhun kaba dei ka semifinal kaba lai ne ka qualifer-2, ka Rymbai Shkenshynriah kala thep ia kine ki kol lyngba u Hikaidame Bareh haka minit kaba 5′ bad u Roiboklang Bareh haka minit kaba 96′. Na kaliang Rymbai Iawpynsing SC la thep da u Hesmiki Rymbai haka minit kaba 90+2′.

Ka jingiaknieh nam lahduh kanlong haka 15 tarik Nohprah hapdeng ka Sutnga SSCC pyrshah iaka ka Rymbai Shkenshynriah haka por 1.00 baje nohphai sngi.