Yn iaknieh nam lahduh ka WKH, EKH, SWKH, WJH bad ka EWKH haka iasiat Khnam Meghalaya Games

Syllad | The Rising MeghalayaJanuary 20, 2024

Ha ka jingiakop siatkhnam (Archery) ki jingialehkai ki la jam sha ka final ha ka Meghalaya Games ha kaba ia baroh ki jingiakhun na ka bynta ban iaknieh ia ka nam lahduh yn pynlong haka 20 tarik u Kyllalyngkot 2024 ha Montfort Centre of Education School, Tura. 

Ki kynhun kiba la jam sha ka final ha ka Indian Round jong ki kynthei ne Women Team Event ki long ka West Khasi Hills District bad ka East Khasi Hills District. Katba ha ka jingialehkai kynhun jong ki shynrang ne Men Team Event ki long ka East Khasi Hills District bad ka South West Khasi Hills District. 

Ha ka Mixed Team jong ka Recurve ki long ka South West Khasi Hills District bad ka West Jaintia Hills. Katba ha ka Indian Round (Mixed Team) ki long ka East Khasi Hills District bad ka Eastern West Khasi Hills District. 

Ia ka takma rnong ha ka Women Team Event kaba haka sngi 19 tarik Kyllalyngkot la khur da ka Ri Bhoi hadien ba ka la jop ia ka South Garo Hills District. Ka West Jaintia Hills District ka la khur ia ka takma rnong ha ka Men Team Event hadien ba ka la jop ia ka West Khasi Hills District. 

Ka Ri Bhoi ka la khur ruh ia ka takma rnong ha ka Mixed Team Event hadien ba ka la jop ia ka Eastern West Khasi Hills District. Ha ka Indian Round Mixed Team, ka West Khasi Hills District ka la khur ia ka takma rnong hadien ba ka la jop ia ka Ri Bhoi District.