Yn iakynduh ka DGP ia ki riew paidbah man la ka sngi Palei
Ka Director General of Police (DGP) bathymmai ka Meghalaya ka Kong Idashisha Nongrang ka la pyntip ba kan iakynduh ia ki riew paidbah man la ka sngi Palei naduh ka por 11 baje mynstep haduh 2 baje nohphai sngi hapoh ka ophis DGP ha Shillong.
Kane ka jingiakynduh bad ki riew paidbah ka long ban pynsngap halor ki jingeh ne ki jingujor halor kino kino ki bynta bad kane kan sdang treikam naduh ka 30 tarik mynta u bnai man la ka sngi Palei.
![](https://www.syllad.com/wp-content/uploads/2024/09/JIT-Vacancy-823x1024.avif)
Ha kajuh ka por la pynshlur ruh ia baroh ki riew paidbah ba kin shim ia kane ka lad ka kabu ban ioh ban pynpaw ia ki jingeh ki jong ki beit beit sha kane ka hehduh pulit ka Jylla.
Ka jingpynrung kyrteng na ka bynta kane ka jingiakynduh yn pdiang hapoh ka khyrdop jong ka Police Headquarter naduh ka por 10 baje haduh ka por 11:45 mynstep.
Leave a Reply