Yn iakynduh u CM ia u Amit Shah na ka bynta ki project kam pynroi ha ki jaka khappud ka Bangladesh

Syllad | The Rising MeghalayaSeptember 5, 2024

Ka Sorkar Jylla ka la rai ban kyrpad ia ka Sorkar Pdeng ban mang pisa kham bun na ka bynta ki project kam pynroi ha ka liang ka ioh ka kot hapdeng ki nongshong shnong kiba don ha shikynter ki jaka khappud bad ka Bangladesh.

U Myntri Rangbah ka Jylla u Conrad K Sangma u la ong, “Kam dei satia tang ka kam ban ker ia ki jaka khappud, hynrei hap ruh ban pyrkhat ruh halor ki sienjam ban kyntiew ia ka ioh ka kot bad ka roi ka par hapdeng ki nongshong shnong ki thain khappud, kata naduh ki jingtei bad kiwei kiwei pat ki jingdonkam jong ki briew kiba shong ba sah ha ki jaka khappud.”

U Conrad u pyntip ruh ba un leit ban iakynduh ia u Myntri Kam Pohiing u Amit Shah ha New Delhi ha ka 9 tarik mynta u bnai na ka bynta ban tuklar hi da lade shimet ha kaba iadei bad kane ka phang.

“Nga sa leit sha Delhi na ka bynta ka jingialang jong ka GST Council ha ka 9 tarik mynta u bnai. Ha kane ka jingleit jurip sa shisien apt Ngan iakynduh biang ia u Myntri Kam Pohiing bad ngan ban jur halor ka jingdonkam ban pynkhlain bad ban mang pisa biang bad ban pynioh shuh shuh ia ki project na ka bynta ki kam pynroi ha ki thain khappud. Ngi dang shu dep pynkhreh ia ka memorandum mynta ka sngi bad ngin sa iaid ha kane ka juh ka lynti,” u la ong.

U CM u la ong ruh ba un ban jur halor ka jingdonkam ban khang ia ki jaka khappud ha kane ka jingiakynduh ia u Amit Shah namar ka jingjia jong ka jingiaumsnam ba dang shen hapoh Bangladesh.

“Nga la ioh ia ka jubab kaba shai ka khubor na u Amit Shah ba yn ym shah iano iano ruh ba kin wan rung lyngba ki jaka khappud ki jong ngi,” u la ong da kaba bynrap, “Ka jingioh rung tuh kaba iwei ar ka lah ban jia hangne hangtai, hynrei ngim dei ban iohi ia ka jingwan rung jong kiba bun ki briew napoh Bangladesh.”

Haba kylli, u CM u la ong, “Kat kiba ngi la leh ha ki snem kiba la leit noh, Nga tharai ngi donkam ban kham leh shuh shuh mynta, kata da kaba khmih halor ki jinglong jingman ha katei ka ri ba marjan. Hooid, ia kine baroh la shmkhia  bha, hynrei kumba nga ong, ngi khmih lynti ba ka jinglong jingman kan kham biang.Ki kam khaii pateng ki la sdang biang ha kiba bun ki jaka khappud bad ngi kyrmen ba kiei kiei kin sa iaid beit iaid ryntih.”

Ha kaba iadei bad ki jaka khappud ki bym pa ker sainar, u Conrad u la ong ba na ka liang ka sorkar ka tip bha halor ka phang kaba iadei bad ka kam ker sainar ha kine ki jaka khappud kaba jrong kumba 40 haduh 50 km bad ka Bangladesh. “Hadien ba ka jingiaumsnam ka la khie hapoh Bangladesh, ngi la don buntylli ki jingialang kaba kynthup bad ki shipai BSF bad ki Army bad pulit ka Jylla bad kumjuh ruh