Yn ioh shuti baroh ki skul Catholic

Syllad | The Rising MeghalayaApril 24, 2025

Ka Shillong Archdiocese haka 24 tarik Iailong ka la kyntu ia baroh ki skul Catholic kiba hap hapoh ka Archdiocese ba kin ai shuti lashai ka sngi 25 tarik Iaiong (Sngi Thohdieng) kum ka dak ka jingsngewsih halor ka jingkhlad noh u Kpa Bakhuid u Pope Francis.

Ha ka shithi sha baroh ki Principal bad ki khlieh nongpyniaid jong ki skul Catholic, u Most Rev Bernard Laloo, Auxiliary Bishop ka Shillong, u la ong, “Ngi la don ha ka por jong ka jingsngewsih halor ka jingkhlad noh u Kpa Bakhuid u Pope Francis. Kum ka dak ka jingburom ia une u khliehduh jong ka Balang Catholic, nga kyrpad ia baroh ki skul Catholic ba kin khang khyrdep lashai ka sngi Thohdieng.”

Ha ka juh ka por u la kyntu ruh ia baroh ki Parish ba kin pynlong ia ka Mass Bakhuid ha ka sngi tep ia u Pope Francis ka ban long ha ka 26 tarik (Sngi Saitjain) haka por 10 am.