Yn khang dukan shipor ha Umkiang ban pynkhuid iaka surok NH 6 bad ka wah Umkiang

Syllad | The Rising MeghalayaOctober 1, 2023

Ka Dorbar Shnong Umkiang kala pyntip ba kan pynlong ia ka jingpynkhuid shnong haka 2 tarik Risaw 2023, naduh ka por 8:30 am.

U Secretary Dorbar Shnong Umkiang, Nicholas Lyngdoh, ula ong ba kane ka jingpynkhuid Shnong ka kynthup iaka jingpynkhuid iaka surok NH-6 bad ia ka Wah Umkiang.

Ha kane ka sngi kan don ka jingkhang dukan shipor ha ka por ba dang pynlong ia ka jingpynkhuid Shnong.

Kumta la kyrpad ia baroh ki nongshong Shnong Umkiang baroh kynthei bad shynrang jong ki 10 tylli ki Dorbar Dong, ban iamih paitbah ha katei ka sngi bad rah lang bad ka wait ban pom ia ki sanium (khlaw ) ha NH-6 bad ia ki plastic ne  jaboh jabain.