Yn khang iew ha Lumshnong

Syllad | The Rising MeghalayaMarch 21, 2020

Ka Committee pyniaid iew jong ka Lumshong, East Jaiñtia Hills District kala rai ban khang iew haka 24 tarik une u bnai kaba dei ka sngi iew Mulong.

Kane ka jingkhang ia kane ka iew ka long kum shibynta ban bud ryntih iaka jingbthah jong ka bor synshar district bad ka sorkar ban khang iew ban iakhun pyrshah iaka jinglum lang u paidbah ban lait bad ban iada na ka jingsaphriang u khniang COVID-19.

Ka Committee pyniaid jong ka Lumshnong ka kyntu iaki paidbah ban sangeh ban wan sha katei ka iew ha katei ka sngi kum ka dak ban snohkitlang bad ka bor synshar district bad ka sorkar.