Yn kyrpad ki MLA ka SGH ia u CM ban pynpoi lynti rel shaduh Baghmara

Syllad | The Rising MeghalayaMarch 4, 2025

Ki MLA ka South Garo Hills District kila rai ban kyrpad ia u Myntri Rangbah ka Jylla, u Conrad K Sangma ban pynlong ka jingiakren bad ka Sorkar Pdeng na ka bynta ban pynpoi ia ka lynti rel shaduh sha Baghmara.

Haba pyntip ia kane ha ka 3 tarik Lber, u Myntri ka Tnad pule puthi u Rakkam A Sangma u la ong, “Ma nga ha ryngkat sawngut kiwei pat ki MLA na ka District ngin sa iakynduh ia u CM ban aiti ia ka dorkhas na ka bynta ban pynpoi lynti rel na Guwahati sha Mendipathar bad Baghmara bad wat sha Dhaka”.

“Kane kan dei ka lynti na ka bynta ka kam khaii pateng ka ban neh slem kumba long hashwa jong ka jingioh laitluid khamtam ka South Garo Hills ngi ju pyniaid ia ki kam khaii pateng kaba seisoh bha ha ki por kiba la dep,” u la bynrap.

U la kdew ruh ba ka ri America ka riewspah namar ki don ia ki surok kiba biang bad ong,  “Kumta ki lad pyniasoh ki long ka bynta kaba kongsan na ka bynta ban kyntiew ia ka roi ka par bad ka ioh ka kot jong ka thain.”

“Ngin kyrpad ia u CM ba un rah iakren bad ka Sorkar Pdeng halor kane ka mat ban pynpoi lynti rel shaduh Baghmara bad sha Dhaka,” ong u Rakkam.

Watla katta u la ban jur halor ka jingdonkam ban buh ia ki jaka talasi khnang ban tehlakam ia ka jingwan rung beain ki briew kiba na shabar.