Yn leit ia aireng ki khynnah U-16, U-14 ha ka football tournament ka  All India Football Federation

Syllad | The Rising MeghalayaAugust 31, 2023

Ka Youth Development Cell ka Meghalaya Football Association (MFA), naduh kine ki khyndiat taiew kiba la dep ka la lah ban pynmih ia ki artylli ki kynhun ialehkai phutbol ka jylla ki ban leit ban ia aireng sha ka lympung ialehkai ka U-16 bad ka U-14 National Football Championship ba la khot pynlong da ka All India Football Federation.

Ha kane ka kynti ka kynhun ialehkai jong ka U-16 kan leit ban ia aireng sha ka Junior National Football Championship ka ban sdang naduh ka 5 haduh ka 15 tarik u Nailur 2023, hapoh Bhubaneshwar, Odisha.

Katba ka kynhun ialehkai jong ka U-14, kin leit ban ia aireng sha ka lympung ialehkai jong ka Sub-Junior National Football Championship ka ban long naduh ka 3 haduh ka 13 tarik Nailur 2023 ha Malda, West Bengal.

Ka kyrteng jong ki player kiban mihkhmat ia ka jylla ha ka U-16 ki kynthup ia u Vincent Nirik M. Sangma, Donkam M. Marak, Kangkam G. Momin, Bipush G. Marak, Achang Dildora A. Sangma, Sholinstar Syngkli, Erickson Pamsad, Medondor Kharbuki, Pynshailang L. Nonglait, Lawan Lambha Pathaw, Pynshai Khongthohrem, Wilbord Thongni, Saindur Rynjah, Samewan Khonglah, Bestius Nongbsap, Alicestar Thangkhiew, Andreau Paul Lyngdoh, Jonathan Mawa, Santishailang Ryntathiang, Balajied Syiemlieh, Mebanlamlynti Masharing, Maikhelson Kharkylliang, Banlamkupar Rynjah, Menangpyndap Khongjee bad Bamelasiewdor Nongsiej.

U Coach jong kane ka kyhun u dei u Bah Jeffrey Warlarpih, Asst. Coach Bah  Pynkhrehlang Nongkseh, Manager Belsius Khyriem.

Haba phai pat sha ka kynhun ialehkai jong ka U-14, ki kyrteng jong ki player kiba la shah jied ban mihkhmat ia ka jylla ki long u Akimrag Momin, Baniar Kharsohnoh, Damebantei Kharkongor, Daplangki Kharmujai, Hameshwa Siangshai, Iaisanlang Dohling, Krebinson Marwein, Mewanpyntngen Lyngkhoi, Nangteiphyrnai Kharumnuid, Prosperwell Ryntong, Roderick Khongjee, Shanbok Basawiawmoit, Yeomanlyson Shadap, Deiwakordormi Dkhar, Ricky Mawlong, Dasuk Banphrang Diengdoh., Teibor Kharkylliang, Wanmiijuh Pajuh, Medonbanshan Kurkalang bad u Robindor Kyrsian.

Katba u coach jong kane ka kyhun u dei u Bah Aibanjop Shadap,  Asst. Coach: Bah Dame Kyndiah bad Manager Bah Cleverson Syiemlieh