Yn leit mihkhmat 6 skul na East Jaiñtia sha ka State Level Art and Culture Competition

Syllad | The Rising MeghalayaSeptember 3, 2019

KHLIEHRIAT: Ka Society for Promotion of Tourism, East Jaintia Hill District, Khliehriat ha ryngkat ka jingiatreilang ka ophis jong u Deputy Commissioner, East Jaintia Hills District, Khliehriat ka la pynlong ia ka District Level Inter School Art and Culture Competition 2019 na ka bynta ki Upper Primary School (UPS) ha ka 3 tarik Nailur 2019 ha Community Hall, Khliehriat West

Ka kong S Suiam, Research Office jong ka District Planning, East Jaintia Hills District kala plie pyrda ia kane ka iakop bad kala kynrtu ia ki samla pule kiba dangkhie dangsan ban shim bynta shitrhem ha kum kine ki rynsan iakop ban pyni ia ka sap ka phong kaba ki don kumjuh ruh ban pynneh pynsah ia ka koshor kaba ki kmie ki kpa tymmen jong ngi ki la saindur. Kala ong ba da kaba iashimbynta ha kum kine ki jingiakop ki nongshong shnong kin pynithuh ialade ha khmat ka pyrthei ïaka rukom im bad ka kolshor bad kala iaroh ia ka society ba ha ka por kaba lyngkot eh ka la lah ban pynurlong ia kane ka jingthmu.

Ha kane ka jingiakop, hynniew tylli ki skul kiba la jop (Block level Competition) na ki ar tylli ki C&RD Block kata ka Khliehriat bad ka Saipung C&RD Block ki la wan ia shimbynta shitrhem.

Ki skul kiba jop ha kane ka jingiakop ki long kumne:-
Folk song (Group): First Prize – Sacred Heart UPS, Lamyrsiang, Second Prize: Little Star UPS Lad Rymbai bad kaba Third Prize: Lumjingshai UPS, Tluh.

Folk song (Solo): First Prize: Little Star UPS, Lad Rymbai, Second Prize: Sacred Heart UPS, Lamyrsiang bad Third Prize: Khliehriat Presbyterian UPS, Khliehriat.

English song (Solo): First Prize: Little Star UPS, Lad Rymbai, Second Prize: Iawpyngkat UPS, Khliehriat bad Third Prize: Sacred Heart UPS, Lamyrsiang.

Folk Dance (Group): First Prize Sutnga Government UPS, Sutnga, Second Prize: Sacred Heart UPS, Lamyrsiang, Third Prize: Khliehriat Presbyterian UPS, Khliehriat.

Art and Craft halor ka phang ban pyndonkam biang ia ki tiar kiba la dep pyndonkam shisien (Recycling Waste material): First Prize: Tep Kyndait UPS, Tuberkmai shnong, Second Prize: Sutnga Govt. UPS, Sutnga bad ka Third Prize: Secret Heart UPS, Lamyrsiang.

Painting Competition – halor ka phang ban iada ia ka mei mariang (Save Mother Earth) First Prize: Sacred Heart UPS, Lamyrsiang, Second Prize: Little Star UPS, Lad Rymbai bad Third Prize: Lumjingshai UPS, Tluh.

Baroh 6 tylli ki skul kiba jop na East Jaintia Hills District kin mihkhmat iaka district East Jaintia sha ka State Level Art & Cultural Competition ka ban long naduh ka 11th – 13th Nailur 2019 ha nongbah Shillong.

U Bah F.M. Dopth, IAS, Deputy Commissioner, East Jaintia Hills District, Khliehriat ula long kum u kongsan ban pynhap pyrda ia kane ka jingiakop. Haba kren kum u kongsan ula ong ba ka kolshor ka long ka stieh ban iada ia ka jaitbynriew lada ka kolshor ka duh baroh ngi la duh lut, kumta ban pynneh pynsah ia ka kolshor ka long kaba dawa bha ha kine ki sngi namar la ker sawdong ia ngi da ki kolshor jong kiwei pat ki jatbynriew kiba ngi shuh ia bud tyngneng. U la kyntu ruh ba ngi dei ban burom ia ka kolshor kiwei khnang ba ngi ngin nang ban burom ia la ka jong ka kolshor bad u la ai khublei ruh ia ka society kaba la pynlong ia kane ka jingiakop kaba jop bad I la sam ia ki syrnod bad ka buskit da ka pisa sha ki nongjop baroh.

U Dr. P. Nongtdu, Principal ka Jaintia Eastern College ula pynpaw ka jingsngewnguh kaba khraw ia ka ophis u Deputy Commissioner bad ia u Bah Dopth uba la kyrshan borbah ban pynlong ia kane ka prokram kaba jop. U la ai khublei kyrpang ïa u Langmon Bareh, Waheh shnong jong ka shnong Khliehriat West uba la shah sngewbha ban pyndonkam ia ka Community Hall jong ka shnong bad ruh ia u K. Bareh, Waheh shnong jong ka Khliehriat East, u J. Lyngdoh, Waheh Shnong jong ka Rymbai, u Elios Swer, Daloi jong ka Elaka Rymbai bad u Ma Firstly Syad kiba la wan sakhi ia kane ka jingiakop.