Yn leit tur ka CoMSO sha Raj Bhavan ban pyrshah CAB bad dawa ILP

Syllad | The Rising MeghalayaDecember 11, 2019

SHILLONG: Ka jingialang ba kyrkieh Jong ka CoMSO  mynta ka sngi ka la rai ban pyrshah tyngeh Ia ka Citizenship Amendment Bill 2019 bad ban dawa ban pyntreikam noh mardor ia ka ILP ha ka Jylla Meghalaya. Ka CoMSO da lei lei ruh kan nym pdiang ba ka CAB 2019  kan treikam ha ka Jylla Meghalaya .

Ngi dap da ka jingsngewsih ba ka sorkar India ka leh kmie nah da kaba pyntreikam Ia ka ILP tang ha Manipur hynrei ia ka Meghalaya kaba la dawa la slem bah kim pyntreikam bad Kane ka dei ka Jing ibein ia ka jylla Meghalaya hi baroh kawei.

Ka CoMSO ka pynem jur Ia u Governor jong ka jylla u bym shem la ai ka jingmynjur ia ka MRSSA Amendment Ordinance 2019  bad ka dawa ba u dei ban ai muhor noh mardor ia kane ka Ordinance.

Kum ka dak ka jingpyrshah ia ka CAB ba kan treikam ha Meghalaya  bad ban dawa pyntreikam noh ia ka ILP ha ka Jylla ka kynhun kan pynlong ia ka jingleit tur sha ka jaka sah u Lat ha Shillong (Raj Bhawan ) ha ka 13.12.2019 ha ka por 2.00 pm . Ha shwa ban leit tur sha Raj Bhawan ngin ia Lum shwa ha Motphran.

Kumta ngi khot ngi wer ia phi baroh ki para Ri bad ngin ia wan lang ha katei ka sngi . Ngi kyntu ia ki Dorbar shnong ba phin shimkhia lem ban phah Ia ki nong shong shnong ban wan bad sngewbha iarap lem ban pynbna sha ki shnong jong phi.

Ngi kyntu Ia baroh ki sengbhalang, ki seng longkmie, ki seng samla shnong, ki association bapher kum ki association ki nong iew, ki nong niah kali, ki Seng ki nong hikai, ki student Union Jong ki college bad ki university bapher ba phin sngewbha ban wan khnang khnang sha kane ka jing pyrshah ia ka CAB bad ban dawa ia ka ILP.

Ngi kyntu kyrpang ia ki MP, ki MLA, ki MDC bad ki nongialam ki Seng sain pyrthei ba phin sngewbha ban wan khnang khnang khem da pep ha katei ka sngi.

Bah Lamphrang K Bani| Vice Chairman, CoMSO & U Bah Lawyerson War| Joint Secretary, CoMSO