Yn mihkhmat u nongniah cycle ka Jylla sha ka 1st Edition MTB Challenge Kalimpong

Syllad | The Rising MeghalayaFebruary 25, 2021

U samla Mack Donald Nongkhlaw uba dang 17 snem ka rta ba na ka 3rd Mile Upper ShillongLumpdeng un leit ban ai reng haka iakop niah cycle kaba la tip kum ka 1st Edition Mountain Bike (MTB) Challenge Kalimpong, West Bengal kaban long ha ka 27 tarik Rymphang 2021.

U samla Mack Donald Nongkhlaw u dei u dkhot ka Meghalaya Cycle Association (MCA) ula mih na sor Shillong mynta ka janmiet.

U Myntri ka tnad sports u Bah Banteidor Lyngdoh, u Bah Hamlet Dohling, Minister C&RD, bad u Bah John F Kharshiing, Working President, Meghalaya State Olympic Association kila kitbok kitrwiang ia une u samla ba un poi sha ka thong.

Kane ka dei ka sien kaba san ba u Mack Donald ula leit ban iashimbynta bad lada un poi sha ka thong un sa ioh lad ban ioh ia ka license ban ia shim bynta ha ki MTB ba pynlong da ka Cycle Federation of India (CFI) bad un sa lah ban rung sha ki Nationals hapoh ri India.