Yn pdiang u Bah Hek ia ka rai ka party halor ka jingbujli shuki Myntri bad u Bah Sanbor

Syllad | The Rising MeghalayaMarch 19, 2025

U nongialam ka BJP uba dei ruh u Myntri ka sorkar Jylla u Bah AL Hek ha ka 18 tarik Lber u la ong ba un pdiang ia ka rai ba la shim da ka party ha kaba iadei bad ka mat ban ia bujli shuki Myntri bad u MLA ka Seng u Bah Sanbor Shullai.

“Ia kata ka jingkylli phi lah ban kylli na u president ka BJP Meghalaya ym na nga. Ngan ym lah ban ong ei ei sha phi halor kane ka bynta namar ka shong beit ha ka party ba kan shim ia ka rai. Ngan kohnguh beit ia ka rai jong ka party,” ong u Bah Hek haba kren sha ki lad pathai khubor.

Ha ka samoi kaba la dep, ia ka shuki Myntri la ia bujli hapdeng u Bah AL Hek bad u MLA ka South Shillong u Bah Sanbor Shullai.