Yn phah test iaki Ice Cream ha Ladrymbai bad Khliehriat ba suba pang shitmet ki khynnah

Syllad | The Rising MeghalayaAugust 2, 2021

U Deputy Commissioner, East Jaintia Hills District haka sngi Nyngkong hadien ba ula ioh iaka report ba don ki khynnah kiba iohkem pang shitmet na kaba bam ice cream bad ban pynthikna ba kine ki ice cream kim dei kiba iabit khniang jingpang COVID-19 ula phah test iaki ice cream.

U DC ula bthah ia u Food & Safety Officer Khliehriat, ban thung briew ha Ladrymbai bad Khliehriat ban shim nongmuna mar dor iaki ice cream kiba die da ki nongkhaïi ha Ladrymbai bad Khliehriat ban phah iaki ban leh test sha ki labarotary.

La bthah ia baroh ki nongdie ice crem ban sangeh ban die iaki ice cream tad haduh ban da ioh iaka testing report kaba pynthikna ba kine ki ice cream ki long kiba biang ban bam bad kiba lait na u khniang COVID-19.