Yn plie iaki iew nongrep ha 7 Mile bad Lad Smit

Syllad | The Rising MeghalayaJune 5, 2021

Ka Deputy Commissioner, East Khasi Hills, Kong Isawanda Laloo, IAS, haka sngi Saitjain kala pynbna ba kala shah ban plie iaka iew nongrep ha 7 Mile bad Lad Smit.

Katkum ka hukum ia kine ki iew yn plie naduh Sngi Nyngkong haduh Thohdieng haka por 7 AM haduh 5 PM.

Ka DC namar ka jingpur sted khlam jingpang COVID-19 kala buh ruh iaki kyndon ha kaba i Director pynthikna bad ban ai jingtip sha ki nongkhaii lane ka kynhun jong ki nongrep.

Ban jied ruh iaki jaka, jaka rung jaka mih, jaka ieng kali da kaba iamir jingmut bad ki BDO.

Iaki Car pass yn ai da ka tand ka kam rep kam riang bad ki BDO.

Ki Pulit bad ki Incident Commanders ki dei ban pynthikna ba kan don ka jingbud ryngkhi iaki jingbthah ne kyndon bad iada na ka khlam bad kino kino kiba leh pyrshah kin shah pynshitom.