Yn plie ïaki dukan die mar bam ha West Jaiñtia lashai ka sngi

Syllad | The Rising MeghalayaMarch 27, 2020

Ka bor synshar district jong ka West Jaiñtia Hills District kan plie ïaki dukan die rashon (Fair Price Shops) kaba kynthup ïaki NFSA bad Non-NFSA bad ki dukan die mar bam (groceries) ha West Jaiñtia Hills District naduh 9 baje mynstep haduh 5 baje nohphai sngi lashai ka sngi 28.03.2020.

Na ka bynta ki shnong ha nongkyndong, ka bor synshar district kala pynbeit bad ki

Ha ka juh ka rukom bad ki Block Development Officer/ Zonal Team Leader ha ryngkat ki waheh shnong kin peit ïaka jingiaid beit iaid ryntih ka rukom sam rashon.

Baroh ki nongïalam shnong kin peit ïaka jingiaid beit iaid ryntih kine ki dukan die rashon ha ki kyntoit bad ki shnong bad ban bud ïaki kyndon bad ki jingbthah jong ka koit ka khiah ban nym iakhleh bad ban kiar bad ban jngai kumba 1 meter.

U DC ula kyntu ïaki paidbah ban iatreilang bad ym ban ia lum paidbah ha kano kano ka jaka ne ki dukan bad ban iatreilang bad ki waheh shnong bad ka bor synshar district.

Ki nongdie jhur, ki nongdie doh ruh kin don ha Iawmusiang bad Iawthymme ha ka juh ka por naduh 9 baje haduh 5 baje nohphaisngi.

Kane ka juh ka rukom pynbeit kan long ruh ha ki taiew ban wan bad yn pynbna ha shuwa ka por ban sam khaw rashon.

U DC ula ong ba ki paidbah kim dei ban her syrngiew bad kam don ka jingkyrduh mar bam bad la kyntu ba ki paidbah kim dei ban thied bun ïaki mar bam bad ban thied katkum ki jongdonkam.