Yn plielad ka sorkar jylla ia ki samla ha ka liang ka iohkam iohjam ong u CM

Syllad | The Rising MeghalayaAugust 16, 2023

U Myntri Rangbah ka jylla u Conrad K Sangma mynta ka sngi Balang u la ong ba na ka liang ka sorkar kan pynleit jingmut ban pynshlur bad aimynsiem ia ki samla na ka bynta ban seng ia ki kam lajong namar ka jingduna ki lad ki lynti ban ioh kam sorkar.

Haba kren ha ka ‘Rozger Mela’ ba la khot pynlong da ka NEHU, Shillong, na ka liang u CM ka jylla u la ong ba na ka liang ka sorkar ka la shim ia ki sienjam ki ban iarap ban tehlakam ha kaba iadei bad ka jingkyrduh kam hapdeng ki samla ha ka jylla.U CM u la pdiang ruh halor ka jingduna ki kam kiba lait ha ki tnat sorkar.

U la ong ruh ba ka jingdon kiba ioh rung ha ki kam sorkar kam palat ia ka 1200-1500 ha ka shi snem, kata ha ki sector, department, divisions, bad district selection.U la ong ruh ba watla ka lah ban don katto katne ka jingiapher hynrei ka jingdon jong kiba ioh rung ka long kumba 1200 tylli ki kam ha ka shi snem.

Kumta ruh u la iai ban halor ka jingdonkam ban shim ia ki sienjam kiba kongsan ban ialeh pyrshah ia kane ka jingeh kiba iadei bad ka ioh kam ioh jam.

Da kaba pdiang halor ka jingdonkam ia ki jingpyntbit ha ki rukom treikam bapher bapher, na ka liang u CM u la kren halor ki kabu ha ka liang ka ioh kam ioh jam hapdeng ki samla ka jylla shabar jong ka ri, kata khamtam kum sha China, Japan, Germany,  UKbad  Australia.

Shuh shuh u la ban ruh halor ka jingkut jingmut jong ka sorkar halor ki lad jingiarap pisa na ka bynta ban kyntiew ia ki sap ki phong khnang ba kan plielad plie lynti ia ki samla ha ka liang ka ioh kam ioh jam.