Yn pynïasoh ïaka surok Mukroh shaduh Jrikyndeng

Syllad | The Rising MeghalayaMarch 19, 2020

U Chief Minister jong ka srokar jylla Conrad K Sangma haka sngi Palei ula ïathuh baka North Eastern Council (NEC) kala mynjur ar tylli ki project shna surok kaba la kot T.142 klur ha une u snem 2019-20.

Kine ki ar tylli ki surok ki kynthup ïaka surok 9 Mile haduh Umsen lyngba ka Killing-Pilangkata Road (29.872 km) haka jingmang pisa kaba T.84.01 Klur, katba ka Mukroh Umspar ban pynïasoh ïaka Jrikyndeng, Assam (15.517km) haka jinglut kaba T58.01 Klur, la ong u Conrad Sangma haba jubab ïaki jingkylli hapoh ïing dorbar ka jylla.

Baroh ar tylli kine ki surok ki hap haka inter-state roads hapoh ka skim North East Road Sector Development Scheme (NERSDS).

U Myntri Rangbah ula ong ba haduh T. 44 crore la pyllait pisa da ka NEC haduh mynta.

Ka jingshna ïaka surok 9 Mile haduh Pilangkata kan sa sdang noh shen da ka tnad PWD jong ka Jylla, katba ka surok Mukroh Umpsar ka ban pynïasoh ïaka Jrikyndeng, Assam kala iaid shakhmat bad ka kam kala iaid kumba 8 percent hapoh ka jingkhmih jong ka tnad CPWD.