Yn pynkup burom ka Dorbar Kur Nongtdu iaki khun ka Kur

Syllad | The Rising MeghalayaJanuary 17, 2024

Ka Seiñkur Nongtdu Pyllun kumba ju long manla u snem, ha kane ka kynti ruh kan pynlong iaka Dorbar Kur (General Meeting) haka 26 tarik Kyllalyngkot ha Shnong Khliehriat, East Jaiñtia Hills District haka por 12:00 mynsngi.

Katei ka sngi kan long ruh ka sngi ban iakyndulang ki khun ka Kur shisien haka shisnem khnang ban ithuh ithaw para Kur.

Ha katei ka jingiakynduh lang yn don ruh ki kyntien kyntu kynpham na ki riew rangbah ka Kur khnang ba ka pateng hadien kan nang ban sngewnguh sngewburom.

Ha katei ka sngi yn pynkup burom ruh iaki khun ka Kur kiba lehbha haki exam bapher bapher.

Ha kaba iadei bad ka jingpynkup burom, ki khun ka Kur ki lah ban phah iaki kot ki sla ha u Secretary jong ka Kur Nongtdu, u Monday Star Nongtdu da kaba kren ha u No. 8575293135.