Yn pynkup burom ka KSU Narpuh ia ki samla pule kiba pass bha

Syllad | The Rising MeghalayaOctober 10, 2020

Ka Khasi Students’ Union (KSU) Narpuh Circle kum shi bynta ban pynshlur bad ai mynsiem ia ki samla pule ka thaiñ kan pynlong biang ia ka jingpynkup burom ia ki samla pule ka thaiñ Narpuh.

Kane ka jingpynkup burom kadei kaba ju ai ka KSU manla u snem kaba la tip kum ka “9th Mait Shaphrang Academic Award 2020”.

Yn sam ia kane ka khusnam sha baroh ki samla pule kiba wan haka kyrdan ba nyngkong (1st Division) haka exam SSLC, HSSLC, ICSE, CBSE bad kynthup ia kiba pass degree ha ki laiñ bapher bapher jong u snem 2020.

Ka KSU ka khot ka wer iaki samla kiba pass bha ha kine ki kyrdan kynthup iaki samla kiba pule shabar jylla ruh ki lah ban pynpoi iaki kot ki sla (ka marksheet (xerox copy) sha ka ophis jong ka KSU ha Lumshnong.

Ia ki jingtip ba bniah phi lah ban shu phone ha kine ki mobile number 9862702117, 6909820936, 8787897288, 6009657041.

Ka tarik ba khatduh ban pynpoi iaki marksheet kan long haka 20/10/2020. Ia ka tarik ban sam ia kane ka khusnam yn sa pynbna hadien.