Yn pynkup burom ka KSU Wapung iaki samla pule na ki san shnong

Syllad | The Rising MeghalayaOctober 17, 2024

Ka Khasi Students’ Union (KSU) Wapung Unit kala pyntip ba kan pynlong ïa ka jingpynkup burom ïa ki samla pule jong ka thain san tylli ki shnong bad ïa kane ka khusnam yn tip kum ka “5th U Woh Tep Kyndait Memorial Academic Award 2024”.

Kiba lah ban ioh pdiang ia kane ka khusnam ki dei ki samla pule jong ka thaiñ kiba poi sha khmat ha ka Exam SSLC, HSSLC, Bachelor’s of Degree (BSc, BCom, BA), ka master’s Degree, PhD, Engineering jong u snem 2024 na ki Board lane University bapher bapher (academic year 2024) kum shibynta ban pynshlur bad ban ai mynsiem ïa ki ban kin nangïai kiew shaphrang ha ki jingpule jong ki.

Ki samla pule SSLC kidei ban pass 60% shaneng (2023), HSSLC pass 60% shaneng (2023), Bachelor’s degree pass 60% (2023), Master’Degree pass 60% (2023)

Kine ki san tylli ki shnong ki kynthup iaka Mokhep, Wapungskur, Wapungshnong, Tuber Kmai Shnong bad Tuber Shohshrieh.

Ïa ki marksheet lah ban submit ha ki number kiba don harum bad ïaka por ban pynpoi ïaki Marksheet lane Zerox Copy kan dei naduh mynta ka sngi 15/10/2024 haduh 15th u bnai December 2024. Ïaka tarik bad jaka ban pynlong yn sa pyntip hadien.

Ia ki jingtip ba khambniah lah ban ioh na Luckystar Rymbai, Education Secretary KSU Wapung Unit da kaba phone ha une u number +918413805987.