Yn pynkup burom ka Kur Phawa Siangshai iaki samla ba pass bha

Syllad | The Rising MeghalayaDecember 14, 2022

Ka Kur Phawa Siangshai central body kan pynkup burom iaki khun jong ka kur Phawa Siangshai kiba pass bha ha ki kyrdan bapher bapher.

Kane ka jingpynkup burom la tip kum ka Proficiency Award.

Kiba bit ban ioh ia kane ka award ki dei kiba ioh iaka percentage 80% haka HSSLC & SSLC bad ki Graduate 65%. Yn sam ruh iaka khusnam sha kiba la dep shah hikai pyntbit ne skill apprentice ha ka National level bad ia ki kiba la passed bad ioh degree ha ka Professional Course bapher, jong u snem 2021-2022.

Ka Kur Phawa Siangshai kala kyntu ia kiba bit ban ioh iaka khusnam ban phah iaki kyrteng jong ki bad ki marksheet sha ka Education Secretary da kaba WhatsApp ha u no. 9089176004.

Ha kane ka jingsam khusnam yn pynkup burom ruh iaki riew tymmen kiba la kynjoh iaka 80 snem shaneng kynthei bad shynrang bad bad kiba la kynjoh ne palat sha ka 100 snem.

Ka Kur Phawa Siangshai kala kyntu ia baroh ki para kur ban pynpoi iaki kyrteng kaba lah kloi bad ka jingpynkup burom kan long haka dorbar kur ha u bnai Kyllalyngkot 2023 ha ka shnong Mihmyntdu. La kyrpad ruh iaki Chairman /Secretary jong ki unit bapher bapher ba kin pynpoi noh ia ka census ki para kur hala ki jong ki Unit sha u General Secretary seng kmie.

Ia ki jingtip ba khambniah lah ban ioh na u General Secretary, da kaba phone ne shu WhatsApp ha u No. 9863018131.