Yn pynkup burom ka Seiñ Kur Bahkhla iaki samla kiba pass bha
Ka seng kur Bahkhla Central Body kaba kynthup ïaka kur Rymbai, Ryngkhlem, Kyndait, Sana, Ksoo, Lyngdoh (Rymbai), Toi, Najiar, Lato, Thma, Chynret, Kyndiah, Rymbui, Ddein (Sana), Bang (Rymbai) bad Khaii kan pynkup burom kaba la tip kum ka ‘Excellency Award’ ïaki khun samla ka kur kiba la wan shakhmat ha ki eksam bapher bapher kumjuh ruh ïaki riew rangbah ka kur kiba la palat ïaka rta kaba 90 snem shaneng.
Ïaka jingïalang pynkup burom yn pynlong ha dorbar ka seng kur haka 26 tarik mynta u bnai ha Wapung Shnong, East Jaintia Hills District.
Ka seng kur kala pyntip ba ki samla kiba lah ban ïoh pdiang ïa kane ka khusnam kidei kiba pass 80 percent shaneng haka SSLC, HSSLC, Graduate bad Master degree 75 percent, MBBS, PhD bad kiwei kiwei ki kyrdan pule ba kham shalor.
La bthah ïaki samla pule jong ka Seiñ Kur Bahkhla ban pynpoi ïaki marksheets bad ID proof jong ki riew rangbah ka kur hashwa ka 23 tarik Rymphang lyngba ki nongkitkam ka seng kur lane lah ban phah ha u WhatsApp No: 8787884815.
Facebook
Instagram
Youtube
Twitter
Leave a Reply