Yn pynkup burom ka Seiñ Kur Dkhar iaki samla ba pass bha

Syllad | The Rising MeghalayaOctober 27, 2021

Ka Seiñ Kur Dkhar, Wapung Circle kala pyntip paidbah ba kan sa pynkup burom ia ki khun samla pule jong ka Kur Dkhar kiba pass bha ha ki jingpule jong ki ha ka 4th tarik bnai Nohprah (December) 2021 ha ka shnong Jalyiah, East Jaintia Hills.

U President Sein Kur Dkhar u Shaniahskhem Dkhar, ula pyntip ba kane ka jingpynkup burom kadei na ka bynta ki khun samla na ka Seiñ Kur Dkhar kiba hap ha Wapung Circle kiba kynthup iaka Jalyiah, Khlieh Myntriang, Wapungskur, Wapungshnong, Pamrapaithlu, Pamrakmai, Mokhep, Iongkaluh, Sohkymphor bad ka Lum Mulieh.

Ki samla ki ban shah pynkup burom ki dei tang kiba la ioh 70 percent shaneng haka SSLC bad HSSLC, Graduate 60% shaneng, Master 60% shaneng, Professional Course ba kynthup iaki MBBS, Lawyer, Engineering bad kiwei.

Ka Seiñ Kur Dkhar, Wapung Circle kala kyntu ban pynpoi ia ki marksheet, ka Certificate bad Residential Certificate hapoh ka 20 tarik u bnai Naiwieng (November) ha u Ma Francis Dkhar Contact no: +918787777629.