Yn pynlong Cyclothon, Independence Day Run ka ophis u DSO, West Jaintia Hills Hills

Syllad | The Rising MeghalayaAugust 11, 2021

Kum shibynta ban rakhe ïaka Azadi Ka Amrit Mahotsav ne ka jingrakhe iaka lyngkhuh snem ba 75 ka jingioh laitluid ka ri India, ka ophis u District Sports officer, West Jaintia Hills District kan pynlong iaka jingniah cycle ne ka Cyclothon bad ka Independence Day Run haka 13 tarik bad 15 tarik August (Nailar) 2021.

Ka lynti ban iaid ka jingniah cycle ne ka Cyclothon & Independence Day Run, 2021 kalong ba yn sdang Kiang Nangbah Stadium – Ladthadlaboh Main Road – Moosalyngkat – Mission Hospital – Dulong(Pohali) Bridge – Dulong – Pamhadem – Le Kyrnah bad yn pynkut ha Kiang Nangbah Memorial (Syntu Ksiar).

U District Sports Officer, West Jaintia Hills District, Jowai ma Khroobok Passak ula khot la wer ia baroh ban iashimbynta ha kane ka prokram khnang ba ka jingehkmen iaka jingioh laitluid ka ri kan long kaba phuh kaba phieng. Nalor kane ka jingmareh bad ka jingniah cycle kan don ruh ka webinar haka 14 tarik halor ka phang ‘Freedom fighters of the Jaintia Hills’. Baroh ki nongiashimbynta kin ioh iaka syrnod, ula ong u ma Khroobok.