Yn pynlong Fit India Freedom Run ha Jowai haka 31 tarik u Risaw

Syllad | The Rising MeghalayaOctober 21, 2024

Ka ophis jong u Deputy Commissioner, West Jaiñtia Hills District, Jowai ryngkat ka jingïatreilang ka ophis u District Sports Officer (DSO), West Jaintia Hills District kan pynlong ïaka “Fit India Freedom Run 5.0 & National Unity Day Run,2024” (Rashtriya Ekta Diwas) na ka bynta ki shynrang bad kynthei.

Kane ka jingiakop mareh ka long haka 31 tarik u Risaw naduh ka por 6:00 baje mynstep.

Ka jingmareh kan sdang na Main Gate Kiang Nangbah Stadium bad iaid lyngba iaka Ladthadlaboh Main Road, Jowai Public School, Gate Polytechnic, Kshaid Rymphum, Salaroh, Dulong Poh-hali Road, Dulong, Pamhadem, Panaliar (Civil Hospital), Iongpiah, Mission Compound, H.K.Singh School, D.C Office, New Hill, National Highway bad pynkut biang ha Kiang Nangbah Indoor Stadium.

Ka Registration iaki nongwan iashim bynta kan long ha ka juh ka step ha Kiang Nangbah Indoor Stadium, Jowai haka por 5:30 baje mynstep. Kan don ruh ka khusnam da ka song pisa bad Momento sha baroh ki nongjop.

U District Sports Officer, West Jaintia Hills District, ula khot wer iaki khynnah bad samla kiba napoh ka District ban wan iashim bynta ha kane ka jingiamareh.