Yn pynlong Football Trial ka FAM ha Khliehriat

Syllad | The Rising MeghalayaJanuary 5, 2020

KHLIEHRIAT: Ka Football Academy of Meghalaya-FAM kaba na Jowai, kaba dei kawei na ki club kaban iashimbynta haka Youth I-League ka AIFF kan pynlong ka jingpyrshang bad jied khynnah ïalehkai haka 6 tarik Kyllalyngkot (January) 2020 ha Teilang Phawa Mini Stadium Dkhiah, East Jaintia Hills.

Kane ka jingpyrshang kalong tang ïaki khynnah 9-14 snem ka rta.

Kiba kiba tbit bad kiba shah jied kin ïoh ka lad ban rung haka shlem ai jinghikai ka FAM ban shah hikai bad kin ioh ka lad ban ïakhun haka Hero Youth I-League kaba pyniaid ka All India Football Federation-AIFF 2020-21.

La kyntu ïa ki kmie ki kpa kiba ieit football ban wan ialam iaki khun ki kti jong ki sha kane ka jingpyrshang.