Yn pynlong ia ka 10th WKHDCA State B cum Inter School Chess Championship

Syllad | The Rising MeghalayaMay 22, 2024

Ka West Khasi Hills District Chess Association (WKHDCA) kan pynlong ia ka10th WKHDCA State B cum Inter School Chess Championship haka 7 bad 8 June 2024 ka ban sdang naduh ka por 9.30 mynstep ha SGSY Hall C&RD Block Nongstoin.

Kane ka Championship kan long na ka bynta ki nongshong shnong bad ki khynnah skul jong ka West Khasi Hills District.

U President Bah Richard Sun ula pyntip ba ha ka open category yn jied 6 ngut kiba wan ha ka kyrdan kaba hakhmat eh ki ban ioh ban leit mihkhmat ia ka District sha ka Meghalaya State Level ka ban long ha Tura, West Garo Hills District naduh ka 12 haduh ka 15 tarik Jylliew  2024.

Yn ai ia ki khusnam bad Certificates sha baroh ki nongjop.

Kiba kwah ban iashim bynta ki lah ban phone lane message ha u President ka WKHDCA u Bah Richard Sun ha une u nombor (7005842605).