Yn pynlong iaka Fit India Freedom Run u DSO ha Jowai

Syllad | The Rising MeghalayaOctober 17, 2022

Ka ophis u District Sports Officer, West Jaintia Hills District ryngkat ka jingïatreilang ka ophis u Deputy Commissioner, West Jaintia Hills District, Jowai kan pynlong ïaka jingmareh kaba tip kum ka Fit India Freedom Run 3.0 haka 22 tarik une u bnai na bynta ki shynrang bad kynthei.

Kane ka jingmareh ka long shibynta ka jinglehkmen 75 snem ka jingioh laitluid ka Ri. Kane ka jingmareh kan sdang na khyrdop ka Kiang Nangbah Stadium bad ïaid lyngba ka Ladthadlaboh Main Road, Jowai Public School, Dulong College Road, Dulong (Main Road), Iongpiah, Panaliar, Civil Hospital barim, Le Kyrnah bad yn pynkut ha Kiang Nangbah Monument (Syntu Ksiar).

Ka jingmareh kan sdang naduh ka por 6.00 baje mynstep bad ki nongïashim bynta kin ai kyrteng ha kajuh ka step haka 5:30 AM ha Kiang Nangbah Indoor Stadium

Ka ophis u District Sports Officer, West Jaintia Hills Jowai ka la khot la wer ïa baroh ban ïashim bynta ha kane ka jingïamareh. Kan don ruh ka khusnam pisa iaki nongjop