Yn pynlong ka MAA da ka jingiakop mareh thong ba 3K bad 5K tang iaki kynthei

Syllad | The Rising MeghalayaSeptember 7, 2023

Shibynta jong ka “Khelo India Women’s League” ia kiba yn pynlong ha ki 25 tylli ki sorbah jong ka ri India, ka Meghalaya Athletics Association (MAA) kan pynlong da ka jingiakop mareh thong kaba 3K bad 5K na ka bynta ki kynthei ha ka 21 tarik mynta u bnai.

Kane ka jingiakop mareh thong kan long hapoh SAI, STC NEHU Campus naduh ka por 7 baje mynstep.

Na ka liang u Bah Finely L Pariat, General Secretary ka MAA lyngba une u kyrwoh u kyntu ruh ia kito kiba kwah ban iashim bynta ki lah ban wan registar ia ki kyrteng jong ki hapoh ka ophis jong ka Meghalaya State Olympic Association (MSOA).

Lah ruh ban WhatsApp sha kine ki nombor 9856041365, 9233072206 da kaba batai bniah ia ka kyrteng, ka rta bad ka jaka shong jaka sah.

Ki nongjop ha kane ka jingiakop kin ioh rah iaka song pisa kaba long 2500/-, 1500/- bad 1000/- nalor ka certificate bad Medal na ka Athletic Federation of India. Ka tarik ba khatduh ban rejistar kan long ha ka 18 tarik mynta u bnai.