Yn pynlong ka ophis u DSO EKHD ia ka “Run For Girl Child”

Syllad | The Rising MeghalayaJanuary 14, 2020

SHILLONG: Ka ophis u District Sports Officer, East Khasi Hills District, Shillong ha ryngkat ka jingiatreilang bad ka ophis jong ka Deputy Commissioner, East Khasi Hills District kin rakhe ia ka ‘National Girl Child Day’ ha ka 24^th Kyllalyngkot, 2020 da ka “Run For Girl Child” ka ban sdang na VIP Gate, J.N. Sports Complex, Polo, Shillong naduh kapor 6.30 baje mynstep.

Ka lynti ban mareh (Route):- VIP Gate, J.N.Sports Complex, Polo (0 Km) – Golf Link – Lailad Shyiap (1 Km) – PTS – Mawroh Junction (2 Km) – F.C.I Main Gate (3 Km) – MeECL Lumjingshai – Shillong Secondary School – B.S.N.L quarters (4 Km) – 67 CRPF Main Gate – Merin’s Restaurant – VIP Gate, J.N.Sports Complex, Polo (4.85 Km)

Kane ka jingiamareh kan dei tang na bynta ki kynthei kiba hapoh 18 snem ka rta. Ki nongjop kin ioh da ka song pisa ha ryngkat ki trophi bad syrnot. 1^st prize – Rs 5000/-, 2^nd prize – Rs 3000/- & 3^rd prize – Rs 2000/- bad kan don ruh ka song pisa kaba Rs 2000/- na bynta iwei I nongiashim bynta ba khynnah tam.

Ki nongiashim bynta kin hap ban wan ai kyrteng ha ophis jong U District Sport Officer, Shillong kaba don ha J.N Sports Complex Polo, Shillong naduh ka 16^th -23^rd Kyllalyngkot, 2020 tang ha ki por long trei.

U District Sports Officer, EKHD ula khot bad iawer paidbah ia baroh ban iawan shim bynta ha kane ka jingiamareh kum ka dak ban pynpaw ka jingkmen bad ban rakhe pyndonburom ia kane ka sngi bakhraw.