Yn pynlong ka SELDD ka KJP Synod Sepngi ia ka “Shillong Run- 10K, 2023”

Syllad | The Rising MeghalayaJuly 20, 2023

Ka Social and Economic Life Development Department (SELDD) jong ka Khasi Jaintia Presbyterian Synod Sepngi lyngba ka Agency for Sustainable Development Initiative (AFSDI) ka la pynbeit ban pynlong biang ia ka Shillong Run- 10K, 2023 ha ka 12 tarik Nailar 2023 por 5:30 mynstep ka ban sdang na  Parking Lot, Polo.Ka mat mynta u snem ka long ‘Run with different abilities.’          

Ka jingthmu ha kaba pynlong ia kane ka jingiakop mareh ka long ban pynsngewthuh ia ki jingeh bad ia ka jinglong ryngkatdor ki briew ba don jingduna ki dkhot,  pynmih fund ia ki project kiba ka Synod ka la seng na ka bynta ki khynnah kiba don ki jingduna ha ki dkhot met, kata: Mairang Vidyajyoti Inclusive Secondary School, Mairang, Community Based Rehabilitation Centre, Mairang bad Rev. Amirkha School for Disabled, Mawlai.

Ka jingpynlong ia kane ka Shillong Run ka la sdang naduh u snem 2011 haduh 2019 bad ha kine ki khyndai tylli ki snem kiba la dep ka jingpynlong ia ka Shillong Run ka long kaba iaid beit iaid ryntih bad ki nongiashim bynta kiba kham bun ki dei ki khynnah skul watla ki rangbah ruh ki iashim bynta bha. Naduh 2020 – 2022 ym shym la pynlong shuh ia kaShillong Run 10 K na ka daw jong ka khlam. 

Na ka bynta kiba kwah ban iashim bynta ka jingleh ia ka rejistration bad ka jingpynrung kyrteng ban register/pynrung kyrteng ialade ‘online’ da kaba shu scan ia u ‘QR Code’ia uba la buh ne pynrung ha ki Flyer bad Ki Banner.Katba ka Offline Registration ki lah ban leh da kaba kin leit shim ia ki Form na ka Ophis treikam jong ka KJP Synod Sepngi, Mission Compound Shillong.

Na ka bynta ki briew ba don jingduna ha ki dkhot met yn don tang ar Category kata hapohka 15 snem(Juniors) bad shaneng ka 15 snem (Seniors) bad ym donkam siew bai registration. Shuh shuh ia ka Chest Number la buh da ka Timing Chip ryngkat ki artylli ki Timing Machine, bad ka tarik ba khatduh ban pynkut ia ka Registration kan long ha ka 31tarik mynta u bnai.

Parking Lot, Polo Ground – Jingkieng (Polo Bazar) – Lad Lawmali – Jaiaw Jingthang briew – Jaiaw Mawbynna – Jaiaw St. Joseph – Jaiaw Pdeng – Lad Jaiaw Lansonalane – Jaiaw Shyiap – Riatsamthiah Presbyterian Church – Umsohsun Road – Sani Mandir (GS Road) – 9-Lad – Raj Bhavan – Barik – Dhanketi – Don Bosco Square – Shillong Commerce College – PGT College – B.K. Bajoria School – 4th Furlong – Polo Bazar – Parking Lot, Polo.

ii).JUNIOR (Hapoh 18 snem ) bad ki nongiashim bynta napdeng kiba don jingduna ha ki dkhot met – Parking Lot, Polo Ground – Jingkieng (Polo Bazar) – Lad Lawmali – JaiawJingthang briew – JaiawMawbynna – Jaiaw St. Joseph – JaiawPdeng – Lad JaiawLansonalane – JaiawShyiap – Riatsamthiah Presbyterian Church – Umsohsun Road – Sani Mandir (GS Road) – 9-Lad -Pegasus Hotel – Hotel Polo Towers – Polo Bazar – Parking Lot, Polo.Ki khusnam sha ki nongjop kin kynthup ruh da ka song pisa nalor ki medal.

Ki katto katne ki jingbthah na ka bynta ki nongwan iashim bynta, kata ki kidei ban phongiaka Chest Number, kidei ban cross ia baroh ki check point, Yn record ia ka Chest Number jong baroh ki nongiashim bynta, Ki nongiashim bynta kiba pheil ban cross ia ki Check Point yn shah weng, ki Nongiashim bynta ki dei ban wanrah ia ka Birth Certificate katkum ki Category jong ki, Ki Briew ba donjingduna ha ki dkhot met ki dei ban wanrah ia ka Disability Certificate, kan don ka marking man ka Kilometre.

Na ka bynta ka jingtip kaba kham bha lah ruh ban peit na ka Website  www.afsdi.com. ne phone ha kine ki number harum:  Director SELD- +918787545266, +91 8974026462 & 9856985092, +91 9436557222.