Yn pynlong ka TSL Event iaka Education Fair kaba nyngkong eh ha Jowai
Khnang ban pynioh ia ka rynsan kaba dei biang na ka bynta ki samla pule kumjuh na ka bynta ki kmie ki kpa ki jong ki, kiba dei na ka thain Jaintia Hills ban ioh ban jied ha ka liang ki lad jingpule shabar ka Jylla Meghalaya, na ka liang ka TSL Events Management Jowai kan pynlong ia ka “1st Edition Education Fair” kaba ar sngi kynthih naduh ka 3 tarik u Jymmang 2024, ha North Liberty School Higher Secondary School, Mookyrdup, Jowai.
Ha kane ka Education Fair yn wan iashim bynta ruh da ki tnat pule puthi ba pawkhmat kum ka Alliance University Bangalore, MIT University Shillong, IndoGlobe Institution Bangalore, Royal Global University Assam bad bun kiwei pat.
![](https://www.syllad.com/wp-content/uploads/2024/09/JIT-Vacancy-823x1024.avif)
Kane ka rynsan ka tyrwa ruh halor bunjait ki lad jingpule bad kumjuh ha ka liang ki prokram aijinghikai ha ka ioh kam ioh jam.
Ki nongleit iashim bynta ha kane ka Education Fair kin ioh ia ka lad ban iamir jingmut beit beit bad ki nongmihkhmat na kitei ki jaka pule bad ki tnat aijinghikai khnang ba kin lah ban sngewthuh kham bha shuh shuh halor ki prokram kiba ki tyrwa.
Haba pyntip ba ym donkam bai rung ban wan sha kane ka Education Fair, na ka liang ki nongpyniaid ki la ong, “La ki dei ki khynnah pule high school kiba thmu ban bteng ha ki kolej, ki riew shemphang ha ki jait kam bapher bapher kiba kwah ban kyntiew lyngba ka jingbteng ia ki jingpule, lane ki kmie ki kpa kiba wad lad ban btin lynti ia la ki khun ha ki jingpule, kane ka dei ka rynsan kaba biang tam na ka bynta jong ki.
Ia ki jingtip ba kham bniah lah ban phone sha ka TSL Events Jowai ha u nombor +91 7899739904.
Leave a Reply