Yn pynlong ka VPP da ka jingiakhih halor ka jingkiew dor ki mar ki mata

Syllad | The Rising MeghalayaSeptember 11, 2024

Ka liang pyrshahVoice of the People Party (VPP) kan pynlong da ka jingiakhih shong kyllain mungor kaba shi sngi kynthih ha ka 13 tarik mynta u bnai kum ka dak ban pynpaw pyrshah halor ka jingkiew dor jong ki mar ki mata kiba kongsan.

“Ngin pynlong ia ka jingiakhih shong kyllain mungor ba shi sngi ha Madan Malki naduh ka por 10 baje mynstep haduh 5 baje janmiet ban pynpaw ka jingpyrshah halor ka jingkiew dor jong ki mata kiba kongsan,” ong u nongialam ka VPP u Bah Ardent Basaiawmoit.

“Kumta halor kane ka phang, ngi kyntu ia baroh ki nongshong shnong kiba don ka jingsngewkhia ba kin wan ban iasnohkti lang bad iashim bynta ha kane ka jingiakhih,” bynrap une u nongialam ka VPP.