Yn pynlong Volleyball C’ship bad ka Inter School Basketball ha Jowai

Syllad | The Rising MeghalayaSeptember 25, 2024

Ka ophis u District Sports Officer, West Jaintia Hills District shen kan pynlong iaka Open Volleyball Championship bad ka Inter School Open Basketball Tournament – 2024 ha Jowai.

Ka Open Volleyball Championship – 2024 kan long na bynta ki shynrang bad kynthei ha u bnai Risaw. La kyntu ia baroh ki Sports Club, ki skul, ki kolej bad ki synjuk ialehkai ban ïashim bynta ha kane ka lympung.

Kino kino kiba kwah iashimbynta ki lah ban shim iaka entry form na ophis treikam u DSO bad ka tarik khatduh ban pdiang iaka entry kan long haka 9 tarik Risaw 2024.

Ha kaba iadei bad ka lympung ialehkai Inter School Open Basketball la pynjlan iaka tarik pdiang entry haduh 8 tarik Risaw. La khot wer ia baroh ki school kiba hapoh ka kyrdan Higher Secondary ha West Jaintia Hills ban shimbynta ha kane ka tournament.

Ia kane ka tournament yn pynlong na ka bynta ki kynthei bad shynrang haka taiew balai jong u bnai Risaw ha Kiang Nangbah Stadium.