Yn pyntreikam noh ka sorkar ïaka jaka ban wad ïaki jingpang
SHILLONG: U Myntri Ka tnad ka Koit ka Khiah u la iakynduh ia ka Suraksha Diagnostic Pvt. Limited na Kolkata na ka bynta ban iakren kumno ban ioh sdang pyntreikam noh ia ka ‘State of the Art Diagnostic Centre’ ka jaka sumar ban wad ïaki jingpang ha kane ka jylla haka sngi Palei.
Ha katei ka jingialang la ïadonlang naduh ki DHS kumjuh na ka Suraksha ban iakren sani bha na ka bynta ban sdang ïa kane ka jaka wad ne test ïaki jait jingpang.
![](https://www.syllad.com/wp-content/uploads/2024/09/JIT-Vacancy-823x1024.avif)
U Myntri ka tnad ka koit ka khiah ka Jylla, u Bah AL Hek u la iathuh ruh ba ki la ioh pdiang T. 20 klur na ka sorkar pdeng na ka bynta ban ioh thied noh ia ki tiar bad ki mashin.
“Ka shimpor haduh 6 bnai tang ban ioh ia ki mashin bad ki tiar namar hap ban thied na shabar,” la ong u Myntri bad bynrap ba la buh thong ban sdang pyntreikam noh ïa kane ka jaka test mynta u snem ban myntoi u nongshong shnong khamtam kiba wan na ka longiing ba duk.
Ïa kane ka Centre yn buh ha Pasteur Institute, Shillong bad ka Suraksha Diagnostic Pvt. LTD kan pynbiang nadong shadong ïaki jingdonkam bad ka jingtei iaka iing ruh kan sdang noh.
Leave a Reply