Yn rakhe National Youth Day ha Jowai bad Khliehriat

Syllad | The Rising MeghalayaJanuary 9, 2021

Ka Ophis u District Sports Officer jong ka East bad West Jaintia Hills District kin rakhe iaka National Youth Day haka 12 tarik une u bnai.

Ka National Youth Day la rake iaka manla ka 12  tarik u Kyllalyngkot (January) ban kynmaw burom iaka sngi kha jong Swami Vivekananda khnang ba ki samla kin bud ia ki nuksa jong u ha ka jingim, ka rukom pyrkhat, bad ki nongmuna jong ki riew khraw kynthei bad shynrang kiba pynlong ia ka India kaba khraw.

Ha Jowai, ka ophis u DSO kan pynlong da ka jingai jinghikai halor ban iada bad ban iakhun pyrshah ia u Drok, ki jingbam ba tei iaka met bad halor ka koit ka khiah ka rukom pyrkhat pyrdain. Ia kane ka prokram yn pynlong ha Kiang Nangbah Indoor Stadium haka por 12 baje mynsngi.

Katba ha Khliehriat pat ka ophis u DSO kan rakhe ia kane ka sngi ha Dkhiah West Sports Club Hall, Khliehriat. Yn rakhe ia kane ka sngi da ka jingiatreilang bad ka Sein khynroo Shnong Dkhiah West bad ka Meghalaya Aids Control Society.

Ki program ki kynthup iaka jingai jinghikai halor ka jingpang Aids, Entrepreneurship Development kaba ka mat pdeng kalong “Channelizing the power of youth for Nation Building”.

Nalor ka jingai jinghikai yn pynbyrngia ruh da ka sur jingrwai.

Ha kajuh ka por ha kane ka sngi yn pynkut ruh iaka youth week bala pynlong daka Sein khynroo Shnong Dkhiah West.