Yn sam khaw baduk ka Mookyrdup

Syllad | The Rising MeghalayaApril 7, 2020

Ka Dorbar Shnong Mookyrdup, Jowai kan sa sam ia u khaw na ka bynta kiba duk ba kyrduh bad kiba shem jingshitom ha kine ki sngi ba don kane ka Lockdown. Ia une u khaw yn sam ha ka 8 tarik mynta u bnai ha Community Hall jong ka shnong naduh ka por 11 baje mynstep.

Haba iakren bad u Waheh Shnong jong ka Mookyrdup u ma Pyrkhat Shylla ula iathuh ba na ka liang ka shnong kala dep ban jied ia ki longïing kiba duk kiba don hapoh jong ka shnong bad la bishar bniah ba ki dei hok ban ioh ia une u khaw kum ka lad jingiarap ia ki. Ha katei ka sngi sam khaw baduk yn wan ban sakhi lem da ki katto katne ki briew sorkar lem bad ki Nongialam ka Synjuk ki Rangbah Shnong.

Shuh shuh u ma Shylla ula iathuh ba ka Dorbar Shnong Mookyrdup kala hap ban leh ia kane hadien ba kala iohi ba ki don shisha ki nongshong shnong kiba hapoh 30 ïing ei ei kiba ia kynduh jingeh na kane ka jingkhang shnong ha kaba kim lah shuh ban ioh ia ka kamai kajih jong ki.