Yn sam khusnam ka KSU Narpuh sha ki samla pule ba pass bha

Syllad | The Rising MeghalayaAugust 20, 2019

KHLIEHRIAT: Ka Khasi Students’ Union (KSU) Narpuh Circle lyngba ka Education Cell kan sam khusnam biang sha ki samla pule kiba pass bha haka thain Narpuh kaba la tip kum ka ‘8th Mait Shaphrang Academic Award 2019’.

Ïa kane ka khusnam yn ai sha kito ki samla pule ba wan ha ka kyrdan 1st Division ha ka exam SSLC, HSSLC bad kiba pass bha ha ki degree bapher bapher jong une u snem 2019.

U Secretary ka Education Committee samla Yooni Muksor u la ong ba ka jingthmu ka seng ban sam ïa kane ka khusnam kadei na ka bynta ban pynshlur bad ai mynsiem ia ki samla pule ka thaiñ jong ngi.

Ka KSU ka khor bad wer ia baroh ki samla jong katei ka thain ban sngewbha ban pynpoi ia ki kyrteng ha ryngkat bad ki mark sheet bad ka birth certificate xerox copy sha u Education Secretary ka KSU.

Ïaki jingtip ba khambniah phone ha kine ki number 7005766741(Lumshnong), 6003188099 (Umkiang), 7005194298 (Lumshnong), 8794171032 (Huroi), 8787897288 (Sonapyrdi) ha lane shwa ka 07/09/2019. Ia ka tarik ban sam ia katei ka khusnam, yn sa pyntip pat hadien ynda ngi la dep ioh pdiang ia kitei ki kot ki sla ba donkam.