Yn sdang biang ka jingshongdur Aadhaar haki Block ha East Jaintia Hills

Syllad | The Rising MeghalayaJune 29, 2020

U Deputy Commissioner, East Jaintia Hills District u pynbna paidbah ba ka jingshon dur Aadhaar ha ki Block kan sdang noh naduh ka 6^th tarik u July, 2020.

Kino kino ki ba kwah ki lah ban leit sha ki Block Ophis jong ka Khliehriat bad Saipung ha ka por long trei ban register ban ioh Token No. ryngkat ki kot ki sla (Certificate) ban pynshisha ialade ba ki dei ki nongshong shnong namar lada bun briew palat yn sa ai da ki Token bad buh da ka sngi lano U ne Ka kin wan ban lait na ka jingwan man ka sngi namar kawei ka machine ka lah ban generate kumba 20 ngut shi sngi.

Ki paidbah ki dei ruh ban bud ia ki kyndon ha ka ba iadei bad ki jingiada na ka jingsaphriang u khniang jingpang Covid-19 ki ba kynthup ia ka jingiajngai iwei na iwei kumba 3 phut, ban ym biah pathar ha ki jaka paidbah, ban sait khuid ia ki kti jongki man la ka por da ka um bad sabon lane sanitizer khamtam hashwa ba kin ktah ia ki khmat, khmut bad shyntur.

Shuh shuh, la da jyrhoh ne synriah ki dei ban tap ia ka khmut, shyntur da ki tissue paper lane jain rumal. Kino kino kiba dang wan jingwan na ki shnong ba don une u khniang jingpang ha ki 14 sngi ba la dep kin hap ban leh ia ka Medical Screening bad self quarantine ialade.