Yn sdang iaka Integrated Course ha Kiang Nangbah College

Syllad | The Rising MeghalayaJanuary 12, 2023

Kum shibynta ban pyntreikam iaka National Education Policy (NEP), mynta ka aiom ka Kiang Nangbah Government College kan sdang noh iaka Integrated Course ba saw snem haka kyrdan BEd.

Ia kane la pynbna paidbah da u Ma Lahkmen Rymbui myntri ka tnad pule puthi ka sorkar Jylla haka jingialang plie paidbah iaki jingtei ba thymmai ka Nongtalang College bad ka Nongtalang Government Secondary School haka sngi Balang.

Pule | Plie u ma Lahkmen saw tylli ki jingtei thymmai, pynbna ban sdang noh ka Commerce Stream ha Nongtalang College

Kane ka Integrated Course ka long ba ki samla pule kiba kwah pule BEd kin ioh iaka kyrdan BA & BEd, BSc & BEd lane BEd BCom ha juh ka por.

U Ma Lahkmen ula iathuh ba ka National Council for Teacher Education (NCTE) kaba hap hapoh ka Ministry of Education kala ai jingit iaka Kiang Nangbah ban sdang noh ia kane ka Integrated Course ba saw snem ban wanrah iaka jingkylla curriculum ne program ai jinghikai ban ban iarap iaki nonghikai ban sam iaka jingnang jingstad katkum ka curriculum kaba thymmai ne policy thymmai.

Pule | Plie u Lahkmen iaka Science Block ka Sohkha Govt Higher Secondary School

Ka sorkar Jylla kala mynjur ban thung nonghikai sa 13 ngut kaba mynta ka Kiang Nangbah College ka don tang 7 ngut ki nonghikai, la ong u ma Lahkmen.

U Lakmen ula kyntu ïaki khynnah kiba pass ïaka Class 12 ban ïakhun ïaka entrance test na ka bynta ban bteng ka jingpule ïaka BA, BSc bad BEd hapoh Kiang Nangbah Govt College namar naduh u 2030 shaneng tang kiba pass ïaka 4 years Integrated Course kin ïoh ïaka kam nonghikai.

Pule | Hapoh 30 bnai yn pyndep iaka Residential Skul ha Umladkhur: Lahkmen

U myntri ka tnat ka pule puthi ula pynbna ruh ba ka sorkar Jylla kan pynmih sa 39 tylli ki skul hapoh ka Jylla bad ha kine ki skul donkam 40 ngut nonghikai na kawei kawei ka skul.