Yn sdang noh iaka Super Div Football League ka Amlarem SSA

Syllad | The Rising MeghalayaNovember 1, 2024

Ka lympung ialehkai Super Division Football League ba la pyniaid da ka Amlarem Sub Divisional Sports Association (ASSA) kan sdang haka 2 tarik u Naiwieng ha madan Mini Stadium Ladjaplem, Amlarem.

Ki don 8 tylli ki kynhun ki ban aireng ha kane ka lympung ialehkai kynthup ka Seinbhalang Shkentalang FC, Amlarem Social Club, Umladkhur SC, Jaraiñ C&SC, YC Pdengkarong, Pamtbuh SC, Dongmihsngi Mupyut bad Lumpyngngad YC.

Haka sngi sdang ka jingialehkai kan long hapdeng ka Pamtbuh SC bad Lumpyngngad YC haka por 1.00.

U kongsan u ban wan sakhi bad plie paidbah ia kane ka lympung u dei u Bah Hamlet Dohling president MFA bad nongaibuit ka sorkar.