Yn sdang noh sa ka 4th Kyrmen Shylla Contribution Trophy ka EJHDFA

Syllad | The Rising MeghalayaNovember 6, 2024

Ka East Jaintia Hills District Football Association (EJHDFA) kala pynbna paidbah ba kan sdang noh iaka Super Division Football Tournament kaba la tip kum ka 4th Kyrmen Shylla Contribution Trophy.

U General Secretary EJHDFA, Ma James Sutnga ula ong kane ka tournament kan sdang da ka jingialehkai hapdeng ka Sutnga SSCC pyrshah iaka Chiehruphi bad ka Rymbai Iawpynsing SC pyrshah iaka Thangskai Tiger SC haka 11 tarik une u bnai ha madan artificial turf ha Diengshynrum.

Ka lahduh mynshem snem ka dei ka Rymbai Shkenshynriah bad ka lahduh ba ar kadei ka Sutnga SSCC. Katba ka Chiehruphi bad ka Ladrymbai B kiba dang rung thymmai mynta ka aiom ialehkai.

Ki kynhun ki ban aireng mynta ka aiom ki kynthup iaka Rymbai Shkenshynriah SC, Sutnga SSCC, Rymbai Iawpynsing SC, Thangskai Tiger SC, Dhana CSC, Khliehriat West YWSC, Chiehruphi SYWSC bad ka Ladrymbai B SC. (Ka dur harum ka prokram ialehkai).