Yn sdang u syllad ïaka dukan online ban iakhun COVID-19 da kaba pynpoi mar ha ïing ban shngain

Syllad | The Rising MeghalayaMarch 26, 2020

U syllad.com uba dei u news portal ne u khubor ba lah ban pule lyngba ka website bad ki khubor paidbah haki Facebook, twitter, instagram, kum shibynta ban shakri iaki paidbah ha kum kane ka por ba khang khyrdep iaki shnong ki thaw ban iakhun ban tem ia ka jingpur u khniang coronavirus un sdang ïaka dukan online store www.syllad.com/store ban pynpoi iaki mar bam sha ki nongshong shnong ha iing ban shong shngain.

Ia kane ka jingjam kaba rit u syllad.com ula sdang da ka jingiatreilang bad ka Fort Departmental Store, Ladthadlaboh bad ka kynhun ki nongniah thuk thuk Jowai Free Style Riders kiban leit ban pynpoi iaki mar sha ki iing jong ki nongshong shnong.

U syllad u kyntu iaki paidbah kiba la order iaki mar jong ki mynta ka sngi ban kin iaishah namar ba don ki jingpynbeit khyndiat bad ka bor district bad lashai ka sngi yn pynpoi iaki mar kiba la order da ki paidbah. Kane ka jingpyrshang jong u syllad store shipor yn sdang shuwa tang ha sor Jowai.

La kyntu shuh shuh iaki paidbah ban order ne thied iaki mar katkum ka jingdonkam, namar na ka bor district West Jaiñtia Hills kala pynthikna kan ym don ka jingkyrduh marbam mardih.

U Deputy Commissioner ula pynbna ba ka don kawei pat ka iew kaba shu phone kaba tip kum ka “IAW JOWAI” (Phone: 7642824024|9366371834)

Na kaliang u deputy commissioner West Jaiñtia Hills ula kyntu ban iatreilang bad ka District Administration ha ka ban ialeh pyrshah ia ka jingpang COVID-19.