Yn set along bad shain kuna da ki phew hajar ïa kiba pynkhein aiñ niah kali kamai

Syllad | The Rising MeghalayaMarch 23, 2020

U Bah Lakador Syiem, MPS, Superintendent of Police West Jaiñtia Hills District ula maham ban pynshitom da kaba shain kuna bad set along ïa kino kino ki kali kamai kiba leh pyrshah ïaka hukum jong ka sorkar halor ka jingïakhun ban ïada naka jingpur u khniang Coronavirus haka Jylla.

U SP iathuh baka tnad Pulit ban iada ïaka jingpur u khniang bad ban pyntreikam ïaka hukum jong ka sorkar ban ïada ïaka shnong ka thaw na ka jingpur u khniang coronavirus, la kyntu ia baroh ki nongshong shnong bad nongniah kali ban bud ryntih ia kitei ki hukum jong ka sorkar khnang ban ngin lah ban teh lakam ia ka jingsaphriang jong kane ka jingpang

Ka Sorkar Jylla kala pynmih hukum lyngba u Chief Secretary, Government of Meghalaya halor ka rukom ban plie shi sngi bad khang ar sngi iaki shnong ki thaw bad ki dukan dukdoh naduh ka 23.03.2020. U Commissioner & Secretary to the Govt. of Meghalaya, Transport Department ula pynmih ka hukum halor ka rukum pynïaid ïaki kali kamai, U Secretary to the Govt. of Meghalaya, Transport Department halor ka jingkhang ka jingiaid ki kali kamai na kawei ka Jylla sha kawei pat ka Jylla bad kumjuh ruh na kawei ka District sha kawei pat ka District; ka hukum na u District Transport Officer & Secretary Regional Transport Authority, West Jaiñtia Hills, Jowai pat halor ka rukum pyniaid ïaki kali kamai ha West Jaintia Hills District bad u District Magistrate, West Jaintia Hills ula pynjari da ka Section 144 Cr.PC ha baroh kawei ka West Jaintia Hills District.

Kumta ka tnad pulit haba pyntreikam ïa kine ki hukum lada lap ia kino kino kiba leh pyrshah bad kim ba ym bud ryntih ïa kitei ki hukum jong ka sorkar ban ïakhun bad teh lakam ïa ka jingsaphriang jong u khniang coronavirus kin ngat ïa knke ki jingpynsaja harum:

• Katkum ka kyndon 17 jong ka Epedemic Disease Act 1897, kino kino ki briew ne ki seng kiba pynkhein ia kino kino ki hukum bala pynmih da ka sorkar kin shah pynshitom ha ka Ain katkum ka section 188 IPC.

• Section 188 IPC: Ka jingpynkhein iaki hukum balah buh da ka sorkar, kin shah pynshitom da kaba set along 1 bnai lane shah dain kuna lane baroh ar.

• Section 269 IPC:  Ka jinglehsting dakaba leh kino kino ki kam kiba lah ban pynsaphriang ia ki jingpang ba iabit bad ba ma iaka jingim briew, kin shah pynshitom da kaba set along 6 bnai lane shah dain kuna lane baroh ar.

• Section 270 IPC : Ka jingleh daka ba don jingmut sniew ia kino kino ki kam kiba lah ban pynsaphriang iaki jingpang ba iabit bad ba ma iaka jingim briew, kin shah pynshitom da kaba set along 2 snem lane shah dain kuna lane baroh ar.

• Section 271 IPC: Kiba kyntait ia kino kino ki jingbtah jong ka sorkar ban shong khop haiing lane Quaran tine, kin shah pynshitom da kaba set along 6 bnai lane shah dain kuna lane baroh ar.

• Section 102 Meghalaya Police Act: Uno uno u briew ne ka briew kiba ialeh pyrshah iaki hukum ka sorkar kin shah kem bad lada jia ba shah pynrem ha ka court kin shah pynshitom da kaba dain kuna 5000/- tyngka.

• Section 110 (1) Meghalaya Police Act : Uno uno u briew ne ka briew kiba pynkhein  iaki hukum bala bthah daka  sorkar kin shah pynshitom dakaba shah dain kuna 5000 tyngka bad lada jia ba ki pynkhein biang ia ka juh ka ain sa shisien kin shah dain kuna haduh 10,000 tyngka.

• Section 54 Disaster Management  Act 2005 : Uno uno u briew ne ka breiw kiba pynphriang khubor lamler halor ka jingjot bad jing julor kaba lah ban pyn khih win iaki briew,  kin shah pynshitom da kaba set along 1 snem lane da kaba shah dain kuna.