Yn set phatok 6 bnai ïa ki bym bud ryntih ïaka jingbthah ka tnad ka Koit ka Khiah

Syllad | The Rising MeghalayaMay 6, 2020

U Deputy Commissioner, East Jaintia Hills District u pynbna paidbah ba kum shitbynta ban pyntreikam iaka jingbthah jong ka Sorkar Jylla, uno uno lane kano kano kiba pynkhein iaka ain ban ia jngai iwei na iwei pat (Social distancing) kumjuh ruh ki bym phong ia ki jain tap-khmut tap-khmat (Masks) ha ki jaka paidbah, kin shah pynshitom da kaba shah set phatok bad ka kuna.

Kane ka jingpynshitom kalong katkum kyndon aiñ hapoh ka Section 269 IPC (Kaba ong ba kino kino kiba pynsaphriang ia ki jingshitom ba ktah  ia ka mynsiem briew da ka jingleh torti ne leh bymsuidniew, kin shah set phatok haduh 6 bnai bad shah dain kuna, lane baroh ar) ryngkat bad kiwei pat ki kyndon ki ba hap hapoh ka India Penal Code (IPC).

Kumta ban lait na kino kino ki jingpynshitom la bthah ia ki trai dukan, nongshong dukan ne ha ki jaka trei ba kin bud ryntih ia ki lad jingiada ban kiar na ka jingialang paidbah hapoh ki phyllaw dukan ne ki jaka trei jong ki.

U Deputy Commissioner u la maham ruh ba lada lap ia kino kino ki briew ha ki dukan ne jaka trei ki bym bud ryntih katkum ba la bthah yn khang shisyndon ia ki dukan bad jingtrei jong ki.

Shuh shuh, kino kino ki briew ki ba dang don haka Home Quarantine ne kiba hap ban shong kyrpang a ïing ki ba mih shabar ne surok khlem da bud ryntih ia ki jingbthah ka Sorkar kin ngat ha ka juh ka kyndon aiñ.