Yn shim ram ka Sorkar na ka ADB ban pyntrei ia ka project Support Human Capital Development 

Syllad | The Rising MeghalayaOctober 24, 2024

Ka Kynhun Myntri ka Sorkar Jylla ha ka 23 tarik u Risaw ka la mynjur ia ka jingtyrwa ban shim ram na ka Asian Development Bank na ka bynta ban pyntreikam ia ka project Support Human Capital Development in Meghalaya – Phase – II.

Haduh 90% na kane ka ram yn bei kum ka grant sha ka Jylla bad ia kaba yn siew da ka Sorkar Pdeng bad 10% jong ka ram yn siew da ka Jylla.

Haba pyntip ia kane hadien ka jingialang, ka Myntri Sorkar ka Kong Ampareen Lyngdoh ka la ong, “Ka Kynhun Myntri ka la mynjur ia ka jingtyrwa ban shim ia ka ram na ka Asian Development Bank na ka bynta ban pyntrei ia ka project Support Human Capital Development in Meghalaya Phase II.”

Pynjlan ka sorkar iaka rta rungkam ki nonghikai SSA haduh 45 snem ha ki skul sorkar

“Katkum ka rai jong ka kynhun Myntri, ka Sorkar mynta kan ioh ia ka grant kaba 90% na ka ADB bad na kane ka ram baroh kawei, 10% ka dei ka ram kaba ka sorkar Meghalaya kan sa siew ha ka por kaba jlan. Katba 90% na kane ka ram yn siew da ka Sorkar Pdeng kumba ju leh ha baroh kine ki snem kiba la leit noh,” ong ka Myntri.

Mynjur ka Sorkar Jylla ia ka Ordinance ban teh kyndon ia ka jingtreikam ka Medical College shimet