Yn shimti u Chandrashekhar kum u Lat bathymmai ka Jylla, 30 tarik yn bam smai

Syllad | The Rising MeghalayaJuly 28, 2024

Ka President ka Ri India ka Droupadi Murmu kala thung ia u Chandrashekhar H Vijayashankar kum u Lat bathymmai ka Meghalaya u ban shimti ha ka jaka jong u Lat ba mynta u Phagu Chauhan.

U Vijayashankar uba dei u MP bad MLA barim ka Karnataka un shim smai ha ka 30 tarik mynta u bnai na ka bynta ban shimti kum u Lat ka Jylla.

Ka President ka la thung ruh ia u Gulab Chand Kataria u Lat ba mynta ka Assam kum u Lat ka Punjab bad ruh kum u Administrator ka Chandigarh.

Ha ka jaka jong u, u Lakshman Prasad Acharya u Lat ka Sikkim ula shah thung kum u Lat ka Assam bad khmih ruh kum u Lat ka Manipur.

Ha ka juh ka por ka President kala thung ia u Jishnu Dev Varma kum u Lat ka Telangana, Om Prakash Mathur Lat ka Sikkim, Santosh Kumar Gangwar u Lat ka Jharkhand, Ramen Deka Lat ka Chhattisgarh, CP Radhakrishnan Lat ka Jharkhand uba khmih lang ia ka Telangana, ula shah thung kum u Lat ka Maharashtra, u Haribhau Kisanrao Bagde kum u Lat ka Rajasthan bad u K Kailashnathan kum u Lat ka Puducherry.