Yn shna iaki kynroh bad ki dam ban iada iaka wah Myntdu

Syllad | The Rising MeghalayaMarch 4, 2021

U Additional Deputy Commissioner, West Jaintia Hills District, u ma Lyngkor Kynjing, ki ophisar ka tnad PWD (Roads) Division, Jowai, ka tnad Urban, Forest bad ka Soil Conservation kila hiar jurip iaki bynta ban shaneng ka wah Myntdu ha Jowai Bypass, Mihmyntdu haka sngi Palei.

La donlang ruh ka seng Khooid ya ka Wah Myntdu haka jingialam u president u KL Pariat, DH Pde, ki nongrep bad kiwei kiwei

Ha kane ka jingjurip la sakhi iaka jingtheh khyndew sha ka wah Myntdu kaba la pynjulor ia kiba bynta jong ka wah.

U KL Pariat, ula iathuh ba na kaliang ka tnad PWD kala ong ba donkam ban shna iaki kynroh ban iada na ka jingtuid ka kyndew sha ka wah Myntdu, ka tnad Soil ban shna iaka check dam.

Ula ong shuh ba ka tnad PWD kan sa tyrwa ruh ban shna pynbha iaka surok Jowai Intermediary Road na jingkieng Pamblah (Myntdu) haduh Lad Nartiang ban shna ruh iaki nala ban lait tuid ki khyndew bad ki maw ki syhiap sha ka wah bad ki jaka rep jong ki nongrep.

Na kaliang u KL Pariat, ula pynpaw ka jingsngewnguh iaka bor shynshar district khamtam ia u DC ma Garod LSN Dykes uba la shimkhia ban phah jurip iaka wah Myntdu bad ki kyrmen ba baroh ki jingthmu ba bha na ka bynta ban iada iaka wah Myntdu kin urlong.